LAJMI I FUNDIT:

Shoigu i Rusisë paralajmëron për ‘përshkallëzim të pakontrolluar’ – pretendon se Ukraina po planifikon të shpërthejë një ‘bombë të pistë’

Shoigu i Rusisë paralajmëron për ‘përshkallëzim të pakontrolluar’ – pretendon se Ukraina po planifikon të shpërthejë një ‘bombë të pistë’

Ministri rus i Mbrojtjes, Sergei Shoigu, i tha homologut të tij francez në një telefonatë të dielën se situata në Ukrainë po përkeqësohej me shpejtësi.

Madje, sipas mediave të huaja, përcjell Telegrafi, ministri rus ka thënë se po priste që situata të shkojë drejt “përshkallëzimit të pakontrolluar”.

Në një telefonatë me ministrin francez të Mbrojtjes Sebastien Lecornu të publikuar nga pala ruse, Shoigu tha se Moska kishte shqetësime se Ukraina mund të përdorte një “bombë të pistë” në konflikt.


Megjithatë, ai nuk ka ofruar prova për të mbështetur sugjerimin se Ukraina mund të përdorte një armë të tillë.

“Ata diskutuan situatën në Ukrainë e cila po përkeqësohet me shpejtësi”, citon ministria e Mbrojtjes. “Po priret drejt përshkallëzimit të mëtejshëm të pakontrolluar”.

Një e ashtuquajtur “bombë e pistë” përdor eksplozivë konvencionale të lidhur me material radioaktiv.

Sidoqoftë, Ministria e Mbrojtjes nuk dha asnjë informacion të mëtejshëm për deklaratën e saj.

Pretendimi i rusëve vjen në kohën kur lufta e tyre në Ukrainë prej muajsh nuk po ecën siç ishte planifikuar nga Moska.

Përparimi fillimisht u lëkund, dhe ndërkohë njësitë ruse kanë kaluar edhe pjesërisht në mbrojtje.

Madje në një përditësim të fundit ku autoritetet ukrainase kanë thënë se që nga 24 shkurti deri më 23 tetor, Forcat e Armatosura të Ukrainës eliminuan rreth 67,470 pushtues rusë.

Sipas një raporti të Shtabit të Përgjithshëm të Forcave të Armatosura të Ukrainës të postuar në Facebook, mbrojtësit ukrainas shkatërruan 2,584 (+5 gjatë ditës së kaluar) tanke ruse, 5,284 (+18) automjete të blinduara të personelit, 1,667 (+14) sisteme artilerie, 374 (+1) MLRS, si dhe 189 sisteme luftarake kundërajrore.

Veç këtyre, ata kanë shkatërruar 270 avionë rusë, 245 (+2) helikopterë, 1,361 (+20) UAV operativo-taktike, 350 (+21) raketa lundrimi, 16 luftanije/anije, 4,039 (+18) automjete dhe depozita karburanti dhe 148 njësi të pajisjeve speciale. /Telegrafi/

Në trend Botë

Më shumë
Politikani serb, Çedomir Jovanoviq pretendon se është rrahur – nuk ndalë lotët derisa tregon dorën në allçi

Politikani serb, Çedomir Jovanoviq pretendon se është rrahur – nuk ndalë lotët derisa tregon dorën në allçi

Serbia
Mercenari serb vritet në luftimet në Kursk, ish-pjesëtari i ushtrisë serbe e pëson me jetë nga sulmi me dron

Mercenari serb vritet në luftimet në Kursk, ish-pjesëtari i ushtrisë serbe e pëson me jetë nga sulmi me dron

Serbia
Gjykatësi amerikan urdhëron administratën Trump t'i bindet ndalimit të ngrirjes së shpenzimeve

Gjykatësi amerikan urdhëron administratën Trump t'i bindet ndalimit të ngrirjes së shpenzimeve

Amerika
Njësia për operacione speciale e ukrainasve shkatërron makinerinë luftarake ruse dhe godet rëndë 14 ushtarë të Putinit

Njësia për operacione speciale e ukrainasve shkatërron makinerinë luftarake ruse dhe godet rëndë 14 ushtarë të Putinit

Evropa
I dërguari i Trump pauzon planin e paqes në Ukrainë, për të zhvilluar bisedime me aleatët e NATO-s

I dërguari i Trump pauzon planin e paqes në Ukrainë, për të zhvilluar bisedime me aleatët e NATO-s

Evropa
Cilat vende mund të preken nga tarifat amerikane të aluminit?

Cilat vende mund të preken nga tarifat amerikane të aluminit?

Amerika
Kalo në kategori