Shkrimtari izraelit e krahason Netanyahun me Millosheviqin: Atij i pëlqen të krahasohet me Churchillin, por kjo është më e përshtatshme

Shkrimtari izraelit Etan Nechin e ka krahasuar Benjamin Netanyahun me Sllobodan Millosheviqin për shkak të nxitjes së luftës në Gazë dhe krizës së brendshme politike.

I mbyllur politikisht, Netanyahu mund të ndjekë rrugën që e kishte ndjekur ish-presidenti serb Sllobodan Millosheviq gjatë rënies së Bashkimit Sovjetik në fillim të viteve të 90-ta. Millosheviqi ishte një nga liderët e ish-Jugosllavisë kur federata komuniste po shpërbëhej, transmeton Telegrafi.

“Netanyahut i pëlqen të krahasohet me Churchillin. Por krahasimi me Sllobodan Millosheviçin e hershëm është më i përshtatshëm”, tha Etan Nechin në Platformën X.

Nechin e krahason politikën e Netanyahut me atë të Millosheviqit, për arsye se ai u dha liri lëvizjeve ekstreme nacionaliste serbe për arsyet e tij cinike, raporton TRT turke.

Lexo po ashtu Izraelitët futen në kampin e refugjatëve, demolojnë shtëpinë e palestinezit 14-vjeç që vrau një polic kufitar

Gjatë viteve të 90-ta, Millosheviqi, i cili ishte në telashe politike, luajti një rol kyç në ndezjen e një lufte të përgjakshme civile midis serbëve, kroatëve dhe boshnjakëve.

Ashtu si Millosheviqi, Netanyahu sot përballet me një krizë të paprecedentë politike të brendshme dhe shumë akuza që variojnë nga korrupsioni deri te gabimet e sigurisë.

Prandaj, shkrimtari izraelit beson se Millosheviçqi inicioi një nga regjimet më brutale të shekullit të XX. Netanyahu, ashtu si Millosheviqi, u akuzua për gjenocid kundër dy kombeve myslimane.

Në anën tjetër, Millosheviqi u akuzua për gjenocid në vitin 2006 dhe vdiq në paraburgimin e Gjykatës Ndërkombëtare për Krimet e Luftës. /Telegrafi/

I wrote this in 2019, when Netanyahu first brought Ben Gvir and his kahanists into the fold.

Four years later, his plan is complete. pic.twitter.com/g3igMDNQpJ

— Etan Nechin (@Etanetan23) October 28, 2023