Shkon në falimentim kompania që duhej të ndërtonte fabrikë për prodhimin makinave elektrike në Tetovë

Kompania gjermane “NEkst e.go”, e cila duhej të ndërtonte fabrikë në Tetovë për prodhimin e makinave elektrike dhe që u paralajmërua si investim i familjes Destani, ka dorëzuar kërkesë për falimentim.

Kompania njoftoi se vendimi për të dorëzuar kërkesë për falimentim është sjellë për shkak të ngjarjeve negative dhe sfidave në industrinë e makinave elektrike, si dhe jostabilitetit të kapitalit të tregut.

Në një njoftim, “E.Go” ka shkruar se ka dorëzuar kërkesë për falimentim në gjykatën e qarkut në Ahen të Gjermanisë. Ndërsa të premten, rreth 320 të punësuar në kompani janë informuar për situatën dhe hapat e radhës.

Ndryshe, edhe drejtoria për Zonat e Zhvillimit Industrial Teknologjik (ZZHIT), si përfaqësues i Qeverisë së RMV-së në Marrëveshjen për dhënien e ndihmës shtetërore me kompaninë “e.Go” njoftoi se ka pezulluar zbatimin e Marrëveshjes dhe çdo procedurë e parashikuar për ndarjen e fondeve publike.

Lexo po ashtu Pezullohet ndihma shtetërore për “E-Go”, kompania “mëmë” në Gjermani ka paraqitur kërkesë për falimentim

“Pezullimi i dhënies së ndihmës shtetërore vjen pas marrjes së informacionit publik në lidhje me kërkesën e paraqitur për falimentimin e kompanisë “mëmë” në Gjermani. Kërkesa është dorëzuar në gjykatat kompetente në këtë vend. Me këtë, Drejtoria për ZZHIT, si përfaqësuese e Qeverisë, aktivizon mekanizmat mbrojtës në kontratën e nënshkruar, të cilat parashikojnë edhe këto rrethana (falimentim, likuidim), si parakusht për ndalimin e dhënies së ndihmës shtetërore”.

“Duke marrë parasysh interesin e qytetarëve, informojmë gjithashtu se pavarësisht kërkesave të parashtruara nga investitori, deri më tani nuk i janë ndarë fonde kompanisë”, njoftuan nga drejtoria e ZZHIT./Telegrafi/

Lexo po ashtu Kovaçevski: Investimi shumëmilionësh dhe vetura elektrike “E-Go” është angazhimi ynë për gjeneratat e ardhshme