Shkëndija është eliminuar prej Ligës së Evropës.
Skuadra tetovare ka pësuar humbje në stadiumin ‘Adem Jashari’ të Shkupit kundër Gentit me rezultat 4-0, ku të pranishëm ishin rreth 30 mijë tifozë shqiptarë.
Megjithëse në pjesën e parë ekipi vendas dominoi, nuk arriti të gjejë rrugën e golit dhe kështu, pjesa e parë përfundoi pa gola, 0-0.
Por, kur pritej që kuqezinjtë të shënonin ndonjë gol, ndodhi e kundërta, ku realizoi skuadra belge, transmeton Telegrafi.
Kur po luhej minuta e 60-të e takimit, skuadra tetovare pësoi gol me kokë përmes Kalifa Coulibaly.
Ky i fundit shënoi sërish pas nëntë minutash ndërsa Jeremy Perbet shënoi në 81-tën minutë golin e tretë.
Në pesë minutat e fundit skuadra jonë u mposht edhe njëherë, ku realizator ishte Renato Neto, i cili edhe vulosi rezultatin përfundimtar, atë prej 4-0.
Kujtojmë se takimi i parë kishte përfunduar me rezultat 2-1 për kampionët belg. /Telegrafi/
https://www.dailymotion.com/video/x4qbdhw_kalifa-coulibaly-goal-shkendija-0-1-gent-25-08-2016_sport
https://www.dailymotion.com/video/x4qbeil_kalifa-coulibaly-goal-shkendija-0-2-gent-25-08-2016_sport
https://www.dailymotion.com/video/x4qbfnn_jeremy-perbet-goal-hd-shkendija-0-3-gent-25-08-2016_sport
