Shkencëtarët krijojnë ‘materialet më të ndritshme të njohura ndonjëherë’

Një përparim i madh me fluoreshencat i ka lejuar shkencëtarët të krijojnë “materialet më të ndritshme të njohura në ekzistencë”.

Avansi hap rrugën për një klasë të re të materialeve që shndërrojnë ngjyrat fluoreshente në objekte të ngurta, sipas studiuesve të Universitetit të Indianës në SHBA dhe Universitetit të Kopenhagës, transmeton Telegrafi.

Ekzistojnë më shumë se 100,000 ngjyra fluoreshente në ekzistencë, por deri më tani nuk ishte e mundur për t’i përzier ato në një mënyrë të parashikueshme në mënyrë që të prodhohen materiale optike të ngurta.

Studiuesit formuluan klasën e re të materialeve, duke përdorur ngjyra fluoreshente të ngarkuara pozitivisht për të krijuar një material të ngurtë.

Këto materiale kanë aplikime të mundshme në çdo teknologji që ka nevojë për fluoreshencë të ndritshme.

Fluoreshencat kanë vetinë unike të thithjes së dritës së një ngjyre të caktuar dhe lëshojnë një dritë të një ngjyre dhe gjatësi vale të ndryshme.

Për shembull, materialet fluoreshente janë në gjendje të thithin dritën ultravjollcë (UV) – e cila është e padukshme për njerëzit – dhe lëshojnë dritë në spektrin e dukshëm, duke e bërë atë të duket sikur materiali po shkëlqen. /Telegrafi/