Shkenca: Dëshironi jetë më të gjatë? Konsumoni këto ushqime

Dëshironi të arrini moshën 100 vjeçare? Atëherë kjo është më e lehtë se që duket, pasi që disa studime të fundit kanë treguar se ushqimi luan rol të rëndësishëm në jetëgjatësinë e njeriut.

Krundet

Në një studim me më shumë se 40,000 gra, ato të cilat kishin konsumuar krunde kishin pasur 31 për qind më pak rrezik të vdesin nga shkaktarë tjerë se kanceri apo sëmundjet e zemrës, krahasuar me ato që nuk futnin krunde në dietën e tyre, transmeton Telegrafi.

Brokoli

Brokoli përmban përbërës që e përmirësojnë imunitetit, prandaj është i mirë për t’i mbajtur larg sëmundjet e ndryshme, përfshirë edhe kancerin.

Salmoni

Salmoni është i pasur me omega-3 dhe përfshirja e salmonit në dietë e zvogëlon rrezikun e sëmundjeve të zemrës.

Çokollata e zezë

Një studim i vitit 1999 të Harvardit ka zbuluar se meshkujt që hanë çokollatë rreth tri herë në ditë jetojnë më gjatë sesa ata që nuk hanë.

Arrat

Të pasura me proteina, fibra, vitamina dhe minerale, arrat mund të jenë ushqimi më i shëndetshëm që mund ta hani. /Telegrafi/