Shumë përdorues në mbarë botën po raportojnë vështirësi në qasjen e shërbimeve të Google këtë mëngjes.
Problemet kanë të bëjnë me motorin e kërkimit dhe shërbimet përkatëse si YouTube dhe Gmail, dhe vështirësitë janë të dukshme edhe në faqen e specializuar Downdetector, ku është regjistruar një rritje e madhe e numrit të raportimeve.
Ende nuk dihet se sa vende janë prekur nga rënia e shërbimeve të Google, por përdoruesit nga Kosova, Turqia, Greqia, Serbia, Gjeorgjia po ankohen për X.
Disa njerëz në Kroaci kanë raportuar gjithashtu probleme, transmeton Telegrafi.
Ende nuk është e qartë se sa përdorues janë prekur ose kur shërbimet do të funksionojnë normalisht përsëri, por rënia ka frymëzuar shumë njerëz të bëjnë shaka në X. Kanë filluar të postohen meme dhe shaka.
"Google është jashtë funksionit. Dërgoni ndihmë", tha një përdorues.
"Përshëndetje ekipit që erdhi në X pasi Google u rrëzua", ishte një nga postimet. /Telegrafi/
