Sheqerinska: OBRM-PDUKM po i shmanget Marrëveshjes së Përzhinos dhe zgjedhjeve korrekte

Sipas asaj që ndodhi gjatë dy muajve të kaluara dhe kërkesat e reja të cilat u shpikën në dhjetë ditët e fundit u bë e qartë se OBRM-PDUKM është duke i’u shmangur zgjedhjeve të rregullta dhe demokratike dhe Marrëveshjes së Përzhinos, deklaroi sot para fillimit të bisedave ndërpartiake Radmilla Shekerinska, përfaqësuese e LSDM-së, transmeton Telegrafi Maqedoni.

“Vlerësojmë se Maqedonisë sa më parë i duhen zgjedhje korrekte dhe demokratike. Për këtë gjatë gjithë kësaj periudhe negociuese kemi kërkuar zgjidhje, ndërsa nuk hap çështje të reja dhe kështu do të vazhdojmë edhe më tej”, tha Shekerinska. Qytetarëve, shtoi u nevojitet zgjidhje e krizës, por edhe zgjedhje reale, korrekte dhe demokratike, ndërsa jo edhe një palë zgjedhje kriminale.

Bisedat e sotme për kompetencat e ministrit të MPB-së dhe qeverinë teknike, e cila do t’i zbatojë zgjedhjet kanë zgjatur dy orë.

Pjesmarrës në bisedime ishin Nikolla Todorov nga OBRM-PDUKM, Radmilla Sheqerinska nga LSMD, Artan Grubi nga BDI dhe Imer Aliu nga PDSH. /Telegrafi/