Shakira dhe Carlos Vives janë paraqitur në një gjykatë të Madridit për t'iu përgjigjur akuzave të një këngëtari dhe producenti të lindur në Kubë, i cili i ka akuzuar për plagjiaturë të punës së tij në hitin "La Bicicleta".
Këngëtarët kolumbianë hodhën poshtë pretendimet e Livan Rafael Castellanos se "La Bicicleta" përmban lirikën, ritmin dhe melodinë e ngjashme me atë të këngës së tij të vitit 1997, "Yo te quiero tanto".
Shakira duke shkuar në gjykatë në Madrid (Foto: Carlos Alvarez/Getty Images/Guliver)
"Kënga ime flet për atdheun tim, është një përshëndetje për vendlindjen time Barranquilla, Kolumbi - jo Kubën. Është ndryshe", ka theksuar Shakira, citon KP.
Ndërsa, Vives u ka thënë gazetarëve se ai e mirëpriti mundësinë për të pastruar emrin e tij nga akuzat.
Carlos Vives ka folur para gazetarëve (Foto: Carlos Alvarez/Getty Images/Guliver)
Castellanos, nga ana e tij, pohon se ekspertët e muzikës mbështetën pretendimin e tij për plagjiaturë.
"Le të shohim nëse më në fund mund të arrijmë në fund të kësaj dhe drejtësia të vihet në vend", ka deklaruar ai për AP.
Sony Music, e cila lansoi këngën "La Bicicleta", nuk e ka komentuar rastin, ndërsa gjykata pritet të bëjë të ditur vendimin pas 20 ditësh.
