Sezoni i fundit te Real Madridi, Modric i premton klubit nga Serie A se do luajë për ta

Luka Modric do ta përfundojë sezonin me Real Madridin në moshën 39-vjeçare. Dhe sezonin e ardhshëm do ta fillojë në moshën 40-vjeçare. Por nuk do të jetë në klubin spanjoll.

Mesfushori tashmë e ka informuar Florentino Perezin se e ardhmja e tij nuk është te Los Blancos. As klubi i bardhë nuk e konsideron atë si pjesë integrale të së ardhmes së tij. Edhe pse ai do t’i ketë gjithmonë dyert e hapura për të vazhduar punën për klubin nga çdo fushë tjetër përveç asaj të një futbollisti.

Real Madrid nuk e ka Modric si futbollist sezonin e ardhshëm. Por ai mbetet i vendosur se ka ende energji të mjaftueshme edhe për një vit. Të paktën një.

Dhe ai i thuhet se i ka premtuar Cesc Fabregasit, trajnerit të Como, se do të jetë pjesë e skuadrës së tij sezonin e ardhshëm, raporton Fichajes.

Como përjetoi momente euforie verën e kaluar pas promovimit të fundit në Serie A. Dhe prania e Cesc Fàbregas bëri të mundur që ajo të rekrutonte lojtarë veteranë si Pepe Reina, Sergi Roberto apo Alberto Moreno, si dhe futbollistë me të ardhme të shkëlqyer si, Nico Paz.

Megjithatë, pas një fillimi spektakolar të sezonit, rezultatet kanë shkuar keq. Dhe tashmë Como shfaqet në fund të tabelës, shumë pranë pozitave të rënies.

Modric e pëlqeu ofertën e Cesc Fabregas, duke menduar kryesisht për familjen e tij dhe mundësinë për të banuar në një nga ato vilat spektakolare afër liqenit të Comos.

Megjithatë, Modric ia ka bërë të qartë Fabregasit se do të jetë i lumtur të shkojë në Como… për sa kohë që skuadra ruan kategorinë e saj dhe luan sezonin e ardhshëm në Serie A. /Telegrafi/