Akoma nuk i kanë dhënë fund skenarit dhe shumë çështjeve të tjera, megjithatë janë të mjaftueshme sa për të shpallur se së shpejti do të nisin xhirimet për një tjetër film shqiptar. Këtë herë në bashkëpunim me kineastë amerikanë. Ka qenë regjisori amerikan Alexandre Rockwell, i cili ka deklaruar dje se vitin që vjen do të nisë punën për një film të ri në bashkëpunim me Genc Përmetin dhe Brandon Col.
Rockwell dhe Col janë dy të ftuarit e nderit të edicionit të gjashtë të Tirana International Film Festival. Titullin e kanë menduar tashmë. Do të quhet "Sex wrestler" ("Mundje seksi"). Ndonëse bashkëpunimi me shtëpinë filmike "Ska-Ndal" ka nisur me kohë, ardhja në Shqipëri, ua qartësoi edhe më tepër idetë regjisorit Rockwell dhe skenaristit Col.
"Shqipëria më ka ngjallur shumë interes edhe para se ta njihja. Më pëlqeu shumë atmosfera që gjeta këtu. Më pëlqen energjia që shoh dhe më duket si Nju Jorku i 20 viteve përpara", – thotë regjisori, ndërsa shton se rreth 75% e filmit do të xhirohet në Shqipëri.
Mësohet se puna do të fillojë vitin që vjen dhe nga vjeshta, gjithçka do të jetë shumë më konkrete. Ndërsa janë ende në punë e sipër me skenarin, zbulojnë vetëm disa detaje.
Flitet për një grup artistësh xhuxhë, të cilët janë të pakënaqur në Amerikë. Kanë filluar të mos e ndiejnë më veten të rëndësishëm në rrethet artistike. Aty pari na del një artiste me origjinë shqiptare, e cila i këshillon të vijnë në Shqipëri. Artistët nuk duan të zbulojnë më shumë, por duket se filmi ka një nëntekst të fortë ironik.
Duket se kineastët e kanë "inatin" me Hollywood-in dhe festivalet e mëdha. Sipas tyre, atje nuk bëhet më kinema e madhe. Kjo është edhe arsyeja pse ata ndërmarrin një bashkëpunim me një shtëpi filmike shqiptare.
Sipas skenaristit Brandon Col, në festivalet e mëdha, si p.sh., në Kanë e gjetkë nuk gjen më një kinema të vërtetë.
"Kinemaja e madhe gjendet në festivalet e vogla. Festivalet e mëdha e kanë kthyer kinemanë në biznes", thotë Col, skenarist, që ka bashkëpunuar me emra të mëdhenj të kinematografisë botërore.
Po kështu edhe Rockwell, i cili është i njohur tashmë për filmat e tij "In the soup", "13 Moons", "Somebody to love", "Four rooms", etj. Ka bashkëpunuar me emra si Quentin Tarantino, Robert Rodrigues, Antonio Banderas, Tim Roth, Jennifer Beals, Madonna, Stive Buscemi, etj. /A. Mile/Panorama/
Lufta Prigozhin - Putin
Më shumë3 mars 1878: Traktati i Shën Stefanit dhe copëtimi i trojeve shqiptare
“Zhanret e gazetarisë”, libri i ri për praktikën dhe teorinë e shkrimit gazetar
Shqiptari në Maltë
Shqipëria merr 350 mijë dokumente të periudhës osmane
Kryeveprat e vjedhura nga nazistët
Piktura të rralla të shqiptarëve ndër shekuj (Foto)
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës