Serwer: Rajoni është i paqëndrueshëm, kjo ndjehet në Maqedoni dhe në BeH

Analisti amerikan, Daniel Serwer ka deklaruar që rajoni është i paqëndrueshëm dhe se kjo paqëndrueshmëri ndjehet në Maqedoni dhe Bosnjë e Hercegovinë (BeH), kanë publikuar mediat serbe, transmeton Telegrafi Maqedoni.

Sipas Serwer, amerikanët „nuk janë të kënaqur me procesion e reformave në Bosnjë”. “Bosnjës i nevojitet një sistem i cili do ta përgatis për në BE. Duhet të ruhet edhe uniteti i shtetit, që në marrëdhëniet midis Banja Lukës dhe Beogradit e Sarajevës mund të jetë problematike“, ka thënë ai.

Serwer ka shtuar se Serbinë e sheh në BE pas dhjetë vitesh dhe ka përkujtuar që vendi tashmë ka përfitime të mëdha nga Bashkimi. „Anëtarësimi është vetëm hapi i fundit, por jo edhe më i rëndësishmi. Ju keni bërë mjaft në aspekt të çështjes për reforma dhe për dhjetë vite Serbinë  e shoh atje“, ka thënë analisti amerikan.

I pyetur për atë nëse BE në fund do të kërkojë njohjen e Kosovës, ai ka pohuar. „Mendoj se do të ndodh kështu. Respektivisht, BE si BE, nuk do ta kërkojë këtë, sepse kjo është kompetencë e Komisionit Evropian. Por shihni, atje ka 23 shtete të cilët tashmë e kanë pranuar Kosovën. Besoj se shumica e tyre do të insistojnë së paku për anëtarësim në KB, nëse nuk bëhet fjalë për njohje bilaterale dhe normalizim të marrëdhënieve diplomatike me disa përfaqësues në nivel të ambasadorëve“, ka sqaruar Serwer./Telegrafi/