Federata Evropiane e Hendbollit (EHF) ka përjashtuar Serbinë nga kualifikimet për botërorin e grupmoshave të reja.
E gjithë kjo pas anulimit të ndeshjes mes Serbisë dhe Kosovës, të cilën gjë e kishte bërë Qeveria e Serbisë duke u arsyetuar se takimi është i rrezikshmërisë së lartë.
Lajmi për përjashtimin e Serbisë e ka bërë të ditur përmes një komunikate institucioni më i lartë evropian i hendbollit.
“EHF ka vendosur që Serbia të përjashtohet nga pjesëmarrja e mëtejme në kualifikimet për botërorin pas anulimit të ndeshjes dhe dështimit të Serbisë”, thuhet ndër të tjerash në komunikatë.
Aty më tutje ka konfirmuar se ndeshjet e mbetura mes Sllovakisë, Norvegjisë dhe Kosovës pritet të zhvillohen pa ndonjë problem.
Theksojmë se zhvillimi i ndeshjes ishte zhvendosur në Kovilovo ndërsa ajo duhej të zhvillohej pa praninë e publikut dhe mediave.
Ndryshe, orari i ndeshjeve mbetet i pandryshuar gjatë tri ditëve të ardhshme. /Telegrafi/
