Sejdiu: Hapja e të dhënave ka të bëjë me të drejtën për të pasur qasje në informacion

Hapja e të dhënave ka të bëjë me të drejtën për të pasur qasje në informacion, kështu thotë për Telegrafin ish-deputeti i Kuvendit të Kosovës, Dardan Sejdiu.

Sejdiu shton se, nëse hapen të dhënat, Ligj për Qasje në Dokumente Publike duhet të shërbej për dokumente të ndieshme.

“Të dhënat publike duhet të janë e drejtë që duhet rregulluar në një shoqëri, pra nuk duhet shoqëria dhe ligjvënësit ta diskutojnë se a duhet apo nuk duhet të ketë të dhëna të hapura, por qëllimi duhet të jetë se cili duhet të jetë niveli që nuk guxon të hapet. Cilat janë të dhënat që mbrojnë disa informacione shtetërore e që nuk duhet të hapet, të gjitha duhet me qenë të hapura. Hapje e të dhënave në këtë drejtim është e domosdoshme, pra që mundësia me të dhënat të ndërtohet të menduarit anësor. Ka të bëjë me të drejtën time për të pasur qasje në informacion se si shpenzohen paratë e mia”, tha ai.

Lexo po ashtu Hapja e të dhënave të Thesarit të Kosovës - rrit transparencën dhe llogaridhënien

Për ish-nënkryetarin e Komunës së Prishtinës, nëse hapen të dhënat, Ligji për Qasje në Dokumente Publike duhet të shërbej për dokumentet e tjera.

“Nëse kjo shoqëri shkon në Open Data, Ligji për Qasje në Dokumentet Publike, duhet të jetë vetëm për dokumente sensitive i aplikueshëm, kurse për dokumentet tjera duhet të jetë gjithçka e hapur”, tha ai. /Telegrafi/