BMW iX3 e parë doli nga linja e montimit të fabrikës në Shenyang, Kinë.
BMW po mbetet pas konkurrencës kur bëhet fjalë për modelet elektrike SUV, dhe iX3 është një përpjekje për të kompensuar këtë hapësirë të mbetur, transmeton Telegrafi.
Para fillimit të prodhimit në seri, BMW iX3 u testua plotësisht për të siguruar që prodhuesi ishte plotësisht i sigurt se të gjitha gjërat po funksiononin në mënyrë të përsosur.
Sipas BMW, 128 teste mekanike dhe 994 softuer janë kryer si pjesë e testimit statik, pasuar nga 140 teste funksionale.
Prodhuesi gjerman mbajti premierën e iX3 në mes të korrikut, dhe gjenerata e re e motorit eDrive për automjetet elektrike debutoi brenda kësaj makine, e cila përfshin një bateri me një kapacitet prej 80 kWh dhe një motor të ri elektrik prej 285 kuaj fuqi dhe 400 Nm çifte rrotulluese.
BMW iX3 është në gjendje të mbulojë deri në 460 km me një bateri të plotë, të matur sipas standardit WLTP.
Fuqia e motorit elektrik transmetohet vetëm në rrotat e pasme, kështu që mund të thuhet se kjo është një BMW me një motor tradicional.
Nga 0 në 100 km / orë, BMW iX3 arrin në 6.8 sekonda, ndërsa shpejtësia maksimale është e kufizuar në 180 km / orë. /Telegrafi/
