Se Reali nuk gjunjëzohet lehtë kjo tashmë është fakt, Los Blancos fitojnë me përmbysje edhe ndaj Betisit dhe bëjnë historinë në La Liga

Se pesha e fanellës është një motiv shtesë këtë e tregon më së miri Real Madridi. Los Blancos fituan me përmbysje ndaj Paris Saint Germainit në Ligën e Kampionëve, ashtu tani edhe ndaj Real Betisit në La Liga.

Skuadra e drejtuar nga Zinedine Zidane fitoi me rezultat 3-5 duke vazhduar me fitore në kampionatin elitar spanjoll.

I pari që shënoi në takim ishte Marco Asensio (11′), ndërsa vendasit të etur për një rezultat pozitiv shënuan dy herë në vazhdim.

Së pari me anë të Aissa Mandit (33′) dhe pastaj kaluan në epërsi fal autogolit nga Nacho në minutën e 37-të.

Në pjesën e dytë pamë një Real krejtësisht ndryshe, ishte Sergio Ramos në minutën e 50-të që barazoi rezultatin në 2-2.

Asensoi riktheu epërsinë nëntë minuta më vonë dhe me këtë rast u fut në histori, pasi ky ishte goli i 6000 i Realit në La Liga, gjë që deri më tani asnjë klub nuk ka arritur ta bëjë.

Në minutën e 65-të shënoi edhe Cristiano Ronaldo (2-4), kurse për ta bërë më dramatik fundin e ndeshjes u përkujdes Sergio Leon në minutën e 85-të me një gol nga afërsia.

Që fitorja t’i shijojë më shumë tifozëve madrilen, për këtë mendoi Karim Benzema me një gol në minutat shtesë.

Pas kësaj fitore Reali vazhdon në pozitën e katër me 45 pikë, kurse Betisi në vendin e nëntë me 33 pikë.

Ndeshja e ardhshme e Los Blancos është ndaj Leganes, kurse Betisi udhëton te Levante. /Telegrafi/

https://www.youtube.com/watch?v=LWR8B6pca9A