Ajo nuk gabon kurrë kur bëhet fjalë për modën.
Scarlett Johansson dukej tejet elegante me një fustan të shkurtër të zi, teksa mori pjesë në Newport Beach Film Festival, i cili u mbajt në Balboa Bay Resort të dielën.
Aktorja 40-vjeçare u nderua me çmimin Legend & Groundbreaker Award gjatë eventit dhe pozoi krenare me trofeun e saj, pak pasi kishte bërë debutimin e saj si regjisore me filmin “Eleanor the Great”.
Ajo dukej sharmante me fustanin e zi, i zbukuruar me detaje lulesh argjendi, të cilin e kishte kombinuar me sandale me take të trasha për t’i shtuar pak gjatësi.
Faqja zyrtare e festivalit në Instagram ndau një foto të saj me çmimin, duke shkruar:
“Urime për Scarlett Johansson, fituesja e këtij viti e çmimit Variety Legend & Groundbreaker Award 2025. Ky çmim iu dorëzua Scarlett Johansson në ceremoninë e nderimeve të Newport Beach Film Festival të dielën, më 19 tetor, në Balboa Bay Resort”.
Debutimi si regjisore i Scarlett-it, me aktoren June Squibb në rolin kryesor, u prit me shumë vlerësime gjatë premierës së tij në Festivalin e Filmit në Kanë në muajin maj, ku publiku e priti me një duartrokitje pesë minuta.
June Squibb luan Eleanor Morgenstein, një grua rreth të nëntëdhjetave, e cila zhvendoset nga Florida për në New York pas vdekjes së shoqes së saj më të ngushtë — një e mbijetuar e Holokaustit.
Por kur Eleanor përpiqet të gjejë mënyra për t’u marrë me diçka në një Qendër Hebraike të Komunitetit Lokal, ajo përfundon pa dashje në një mbledhje të mbijetuarish të Holokaustit.
