Santos komenton Grupin F, aty ku Portugalia do të përballet me Gjermaninë dhe Francën

Fernando Santos e ka komentuar shortin që u hodh dje në Bukuresht për Kampionatin Evropian që zhvillohet në vitin 2020.

Trajneri i Portugalisë ka thënë se përballja në Grupin F me Gjermaninë dhe Francën së bashku me fituesin e Grupi A nga Liga e Kombeve, do të jetë e vështirë.

“Këtu kemi të bëjmë me tre fitues të trofeve ndërkombëtar, Një grup i fort, me dy skuadra që shihen si favorit për të kaluar tutje”, ka thënë Santos.

Lexo po ashtu Deschamps pas shortit: Jemi në grupin më të vështirë, por duhet ta pranojmë

“Secili do ta respektojë tjetrin dhe nuk ka favorit qysh në fillim se kush e kalon grupin. Do të shohim se kush do të jetë kundërshtari i tretë në grup”.

“Ndoshta do të jetë Islanda, dhe ndeshja ndaj tyre do të jetë një ripërsëritje e Kampionatin Evropian në vitin 2016, që ishte një përballje e vështirë për ne”.

Lexo po ashtu Joachim Low i lumtur që Gjermania gjendet në "grupin e vdekjes" në Euro 2020 

“Nëse e shikojmë dhe pyesim: ‘A do ta dëshironte Portugalia, Gjermaninë dhe Francën në grup’ , përgjigja do të ishte jo. Por, nëse i pyet edhe këto dyja, atëherë edhe ata do të thoshin të njëjtën gjë”, ka shtuar më tej ai.

Edhe trajneri i Francës, Didier Deschamps dhe ai i Gjermanisë, Joachi Low, kanë thënë se është një grup i vështirë. /Telegrafi/