Samiti BE-Ukrainë më 3 shkurt, vendndodhja nuk është vendosur – ftesë edhe për Zelenskyn

Presidenti ukrainas Volodymyr Zelensky është ftuar nga Brukseli zyrtar në shkurt, sipas një zëdhënësi të presidentit të Këshillit të BE-së, Charles Michel.

Vendndodhja e samitit nuk është përcaktuar ende.

“Mund të konfirmoj se samiti BE-Ukrainë do të zhvillohet më 3 shkurt dhe ka një ftesë të hapur për presidentin Zelensky për të vizituar Brukselin”, ka thënë Barend Leyts, zëdhënës i kryetarit të liderëve të BE-së, përcjell Telegrafi.

Zëdhënësi shtoi se ftesa për Zelensky për të vizituar Brukselin nuk do të thotë se aty do të mbahej samiti.

Zyrtarët thanë se tema e samitit ka të ngjarë të jetë se si BE mund të vazhdojë të mbështesë Ukrainën në luftën e saj kundër Rusisë.

Udhëheqësit e dy institucioneve kyçe të BE-së, Komisioni dhe këshilli i udhëheqësve të BE-së, do të vlerësojnë gjithashtu rrugën e Ukrainës drejt anëtarësimit në bllok.

Zelensky ka bërë paraqitje të rregullta përmes video-lidhjeve në samitet e BE-së që nga fillimi i agresionit rus në shkurt.

Ai bëri udhëtimin e tij të parë personalisht, të mërkurën, në Uashington. /Telegrafi/