Sadiku: Institucionet janë pak vonë lidhur me teknologjinë Blockchain dhe kriptovalutat (Video)

Eksperti i kriptovalutave, Ermal Sadiku, në emisionin “Përballje”, në “RTV Dukagjini” ka thënë se kosovarët qëndrojnë mjaftë mirë me nivelin e njohurisë së kriptovalutave dhe teknologjisë Blockchainit, por ai tha se jemi pak vonë nga institucionet pasi që kjo dashur të ndodhë para katër apo pesë viteve.

“Kosovarët qëndrojnë mjaftë mirë me nivelin e njohurisë së kriptovalutave dhe teknologjisë Blockchainit, mirëpo kjo varët se më kënd e krahasojmë. Në qoftë se e krahasojmë me Zvicrën që është shumë përpara me teknologjinë Blockchain atëherë Kosova është shumë mbrapa, por nëse e krahasojmë me rajonin besoj se jemi mjaftë mirë. Njerëzit janë duke e kuptuar, janë duke lexuar dhe institucionet janë të interesuar të kuptojnë se ku mundet Kosova të përfitojë prej kësaj vale që është duke ndodhur në botë. Jemi pak vonë, kjo është dashur të ndodhë para katër apo pesë vjetëve”, tha Sadiku.

Ai tha se deri më tani nuk ka pasur përkrahje institucionale dhe se detyra e institucioneve është të identifikohen keqpërdoruesit e kësaj teknologjie.

“Gjithmonë në botë, çdo dhjetë vjet, ndodh një teknologji e re dhe ne gjithmonë nuk kemi qasje për shkak se nuk kemi njerëz syçelë. Kur është folur para disa vite për këtë teknologji nuk kemi pasur përkrahje institucionale. Detyra e institucioneve vendore është të identifikohen keqpërdoruesit e kësaj teknologjie”, tha ai.

Sadiku, pret nga BQK të jetë vëzhguese e teknologjive që lidhen më financat.

“Ne po presim nga BQK si këshilltar i Qeverisë, duke e ditur se ka dalë një teknologji që ka të bëjë me financa, me qenë lider duke e paraparë se çfarë do të ndodhë në të ardhmen”, përfundoi Sadiku. /Telegrafi/