Sa shpesh duhet t’i prisni flokët?

Është gjithmonë e ndërlikuar për ta përcaktuar se kur keni nevojë për një prerje flokësh. Sidomos nëse po përpiqeni të rritni flokët.

Pra, sa shpesh duhet t’i premë flokët? Sipas parukierëve, ekziston një kohë e duhur që duhet t’i përmbaheni nëse mundeni.

Gjithashtu kjo varet edhe prej faktorëve të shumtë sikurse lloji i flokëve, gjatësia dhe trashësia e tyre.

Ka shumë ndryshime midis llojeve të flokëve. Flokët kanë gjatësi dhe nivele të ndryshme trashësie. Dhe sipas ekspertit të flokëve Philip B, kjo përcakton sasinë e kohës që duhet ta keni për prerjen e tyre.

Ai pohon se njerëzit me flokë të shkurtër duhet t’i shkurtojnë flokët çdo muaj. Njerëzit me gjatësi mesatare, duhet t’i prenë pas gjashtë ose tetë javëve dhe njerëzit me flokë të gjatë duhet t’i prenë çdo gjashtë muaj.

Flokët e trashë nuk duhet të priten aq shpesh sa flokët e hollë.

Kur mund ta dimë se kur është koha e duhur?

Ka sinjale të ndryshme që tregojnë, një nga ato janë fijet e ndara, por ka edhe shenja të tjera, nëse keni flokë çdo ditë të ‘çoroditura’ ose kur lidhen shumë.

Nëse keni flokë kaçurrela dhe majat humbasin të gjitha kaçurrelat, ky është një sinjal tjetër për të rezervuar takim me parukieren tuaj.

Philip B. këshillon të mos prisni më shumë se gjashtë muaj për t’i prerë flokët.

“Pas një kohe të caktuar, pavarësisht se sa mirë i trajtoni flokët, majat tuaja kanë tendencë të bëhen [të fërguara]”.

Nëse jeni duke u përpjekur të rritni flokët tuaj, ju duhet t’i shkurtoni ato rregullisht. Edhe nëse kjo duket kundërintuitive.

Një eksperte tjetër, Meri Kate O’Conner, shpjegon se nuk duhet të prisni derisa ndarja të shkojë deri te boshti i flokëve. /Telegrafi/