Sa herë duhet të pastroni me fshesë elektrike kur keni kafshë shtëpiake

Nuk është sekret se mbajtja pastër e shtëpisë sidomos me kafshë shtëpiake mund të jetë sfiduese

Pavarësisht nëse keni një qen të racës husky që luan në tapet apo mace persiane që përkëdhelet në kolltukun tuaj të preferuar, një pjesë e pasojave të kësaj bashkëjetese janë qimet e tyre, rrëmuja, ndonjë plesht etj.

Fshesa me rrymë është shpesh zgjidhja më e mirë, sepse pastron çdo pluhur apo pelene që kafshët sjellin nga jashtë, duke e bërë hapësirën më të pastër dhe më higjienike.

Por, sa shpesh duhet ta vendosni fshesën me rrymë për të pastruar shtëpinë?

Edhe pa kafshët shtëpiake, si një rregull i përgjithshëm, ekspertët e pastrimit sugjerojnë që ta pastroni shtëpinë me fshesë të paktën një herë në javë. Por, nëse keni kafshë shtëpiake ndryshon disi situata:

Çdo 1-2 ditë

Për pronarët e qenushëve të vegjël ose maceve me qime të gjata, çdo dy deri në tre ditë është e mjaftueshme për të pastruar shtëpinë.

Dy herë në javë

Pastrimi i shtëpisë me këtë frekuencë, mban nën kontroll qimet e kafshëve dhe alergjenët. Kjo vendos ekuilibrin e duhur midis ruajtjes së pastërtisë në shtëpinë tuaj dhe mbajtjes së një rutine pastrimi.

Lexo po ashtu Fshesa elektrike nxehet dhe nuk thith pluhurin si më parë? Me këtë truk do të jetë sërish si e re

Një herë në javë

Të pastruarit me fshesë elektrike një herë në javë është një nivel bazik pastërtie, pavarësisht numrit të kafshëve shtëpiake që keni apo racës së tyre. Por, nëse jeni më të fiksuar pas çdo papastërtie, qimeje të maces apo qenit, ndonjë paraziti apo diçka tjetër, fshesa duhet vendosur çdo dy ditë dhe jeni shumë në rregull. /Telegrafi/