Rusia nuk ka më qëllime ushtarake, synon vetëm civilët

Rusia “nuk ka më asnjë synim ushtarak”, por “po përpiqet të vrasë sa më shumë civilë të jetë e mundur”.

Kështu ka shkruar në rrjetet sociale Mykhailo Podolyak, një këshilltar i presidentit të Ukrainës Volodymyr Zelensky.

Podolyak tha se bombardimi i zonave të Ukrainës – natën e 31 dhjetorit deri më 1 janar – fliste për “një ndryshim në llojin e luftës”.

Massive shelling of the downtown areas of large cities of 🇺🇦 on the night of Dec 31 to Jan 1 speaks of another change in the type of war.
Russia no longer has any military goals & is trying to kill as many civilians as possible and destroy more civilian facilities. A war to kill.

— Михайло Подоляк (@Podolyak_M) January 1, 2023

Që nga tetori, Rusia ka nisur sulme masive me raketa dhe drone në infrastrukturën energjetike të Ukrainës, duke i vendosur qytetet në errësirë të plotë.

Moska thotë se sulmet synojnë të reduktojnë aftësinë e Ukrainës për të luftuar; Kievi thotë se ata nuk kanë qëllim ushtarak dhe synojnë të lëndojnë civilët.

Ndryshe, Rusia ka nisur pushtimin e pajustifikueshëm të shtetit ukrainas më 24 shkurt duke shkaktuar viktima dhe dëme materiale. /Telegrafi/