Rrogë qesharake, Johnson punësohet në burg

Tani fillojnë problemet e vërteta për futbollistin Adam Johnson, i cili duhet të përshtatet me jetën në burgun e Leeds, ku edhe për shkak të arsyes prej të cilës ka përfunduar në qeli, rrezikon të vihet në shënjestrën e njerëzve të tjerë që kryejnë dënimin.

Megjithatë, sipas gazetës “Daily Star”, Johnson ka gjetur një mënyrë për t’u mbrojtur. Ai do të punojë si instruktor në palestër ku do të kujdeset për veglat, do t’i çojë për të pirë të burgosurve të tjerë dhe do të jap këshilla për mënyrën si ekzekutohen ushtrimet.

Johnson që do të punojë gjashtë deri në tetë orë në ditë, do të marrë 11 funte në javë, pak a shumë 60 euro në muaj. Kur luante me Manchester City, ai merrte 100 mijë funte në javë, ndërsa te Sunderland, klubi i fundit para se të dënohej, mesfushori paguhej me 100 mijë euro në javë, Johnson është dënuar me gjashtë vjet heqje lirie për marrëdhënie seksuale me një 15-vjeçare.

Për momentin ai do të qëndrojë në burgun e Leeds ku ka shumë tifozë të Leeds Uinted dhe Bradford City, që me siguri nuk do të “miqësohen” me të.