Rritja e dhunës në shkollat tona, dukuri alarmante

Përderisa qeveritë e vendeve demokratike në terë botën kanë për qellim sigurinë e jetës së qytetarëve dhe të drejtat e tyre, në vendin tonë ndodhin dukuri të shumta negative dhe askush nuk çanë kokën për to. Praktika në vendin tonë flet të kundërtën, për dallimin e madh midis asaj qe është dhe asaj qe duhet të jetë edhe pse ka zgjidhje për ketë, duke aplikuar dhe përdorure metoda dhe alternativa të ndryshme.

Është shqetësuese që vendin tonë dukuritë negative në shkolla po rriten dita ditës dhe po bëhet me e vështir edukimi i brezave të rinj. Huliganizmi, narkomania, dhuna etj, janë kancer i një shoqërie që e shkatërron rinin dhe të ardhmen e një vendi. Një ndër dobësitë e sistemit arsimore është edhe kualiteti i mësimit dhe atë si pasoje e stërngarkimit me nxënës gjë qe krijon pamundësi kontrolli dhe ndikon direkt në cilësinë e arsimit.

Si problem tjetër qe paraqitet është edhe lidhja profesor-nxënës, shpesh profesorët krijojnë opinione negative mbi sjelljen e nxënësve brenda klasës dhe shpesh kjo ndodh si pasojë e një komunikimi negative jo cilësor, të nxënësve me profesorët.

Dikush mund të pyes, pse megjithatë të shqetësohemi për këto dukuri kur ato gjithmonë kanë qen të pranishme dhe nuk duket sikur ne mund të bëjmë gjë për ta ndryshuar ketë? Përgjigja është e dyanshme. Në njërën anë efektet e këtyre dukurive janë të tmerrshme dhe nuk është diçka qe shoqëria mund ta durojë dhe tolerojë. Në anën tjetër këto dukuri mund të ekzistojnë kudo edhe me keq në disa vende se në disa të tjera, nëse nuk luftohen këto dukuri negative, atëherë ato do të na luftojnë neve duke e shkatërruar të ardhmen dhe rinin e vendit tonë.

Lufta kundër këtyre dukurive mund të ketë dy forma themelore dhe atë përmasën preventive dhe përmasën represive. Përmes formës së parë, përkatësisht përmes përmasës preventive mund të parandalohen, duke përdorur metoda dhe programe të ndryshme qe nxënësit t’i vetëdijesonin dhe stimulonin njëkohësisht për arsimim. Përmes përmasës represive duhet të ndëshkohen ata të cilët e prishin rëndin dhe qetësinë publike në shkolla, përdorin drogën, përdorin armë të ftohta etj.

Na ka mbetur një muaj e gjysmë nga fillimi i viti të ri shkollor dhe jemi dëshmitar që kohëve të fundit rritja e dhunës në shkolla ka qen alarmante. Rastet me tragjike për fat të keq kanë qenë në rritje. Rasti i vrasjes së një nxënësi në Gjimnazin “Sami Frashri” në Prishtinë, rasti i humbjes së jetës së një nxënësi në qytetin e Klinës, ndërsa incidentet tjera me të vogla të rrahjeve janë shume të shpeshta.

Mediet e shkruara dhe ato elektronike do të duhej qe të nxitnin me tepër debat për të gjitha këto fenomene negative dhe si rezultat i këtyre debateve institucionet përgjegjëse do të merrnin masa e nevojshme për t’i parandaluar dukuritë e tilla. Prandaj është koha e fundit qe Ministria e Arsimit, Policia e Kosovës, prindërit, drejtoritë komunale për arsim dhe vetë drejtuesit e shkollave të ndërmarrin masa, në mënyrë qe nxënësit kur shkojnë në shkolla të mos kthehen në arkivole.

Me dhunë asgjë nuk arrihet ose me fjalë të tjera dhuna lind dhunën! Prandaj mësimit duhet t’i paraprijë edukimi sepse me shumë se çdo gjë tjetër ka nevojë për edukim dhe cilësi në arsim.

(Autorja është nxënëse e Klasës XI/1 në shkollën e mesme “Abdyl Frashri” në Malishevë)