Rrihnin brutalisht të riun, nëna e tre fëmijëve ndërhyn për ta shpëtuar – policja britanike fiton epitetin e heroinës

Një zyrtare policore e cila arriti ta mbrojë një të ri nga një grup i burrave të cilët e sulmuan, është cilësuar si heroinë e vërtetë pavarësisht se pësoi lëndime trupore nga sulmi i të rinjve.

Clare Larkey-Jones, 48-vjeçe, u fut në mes të grupit të burrave që e sulmuan një 20-vjeçar në Uells, derisa ajo po kthehej nga ndërrimi i natës në shtëpi, transmeton Telegrafi.

Viktima që ishte në të 20-at, ishte rrahur brutalisht para se të ndërhynte nëna e tre fëmijëve – duke arritur t’i shpërqendroj ata që më pas iu vërsulën asaj.

E pavarësisht që pësoi lëndime të shumta trupore – duke e goditur me shqelma dhe grushta, Larkey-Jones arriti ta shpëtojë të riun, kurse grupi që e sulmuan u larguan.

“Sapo kisha përfunduar ndërrimin e natës dhe po shkoja të merrja vëllain dhe të dashurën e tij kur dëgjova britma. I thash vëllait të qëndrojë në veturë, dhe kur u afrova pashë një grup burrash duke rrahur brutalisht të riun që ishte në të 20-at.

Deri më tani nuk është arrestuar askush lidhur me këtë sulm, kurse i riu që kishte pësuar lëndime është dërguar në spital për trajtim. /Telegrafi/