Rooney kërkon falje publike për imazhet e sikletshme që qarkulluan në internet: Kam gabuar, dua ta tejkaloj këtë

Wayne Rooney i ka kërkuar falje familjes së tij dhe Derby-t pasi disa imazhe të tij të sikletshme u publikuan të dielën.

Imazhet tregonin ish-sulmuesin e Anglisë duke fjetur në një dhomë hoteli të rrethuar nga disa femra të reja, shkruan The Guardian.

“Kam bërë një gabim”, tha trajneri i Derby-t, Rooney për Sky Sports të mërkurën. “Unë shkova në një festë private me dy miqtë e mi dhe do të doja t’i kërkoja falje familjes sime dhe klubit për imazhet që po qarkullojnë dhe dua të ecë përpara përpara dhe ta tejkaloj këtë”, shtoi ai.

“Unë jam falënderues për Derby County që më dha këtë mundësi për ta rikthyer këtë klub atje ku i takon dhe do të bëj gjithçka që kam në dorë për t’u siguruar që e bëj atë”.

Policia Cheshire konfirmoi të martën se kishte hequr dorë nga një ankesë për shantazh të bërë në lidhje me imazhet.

Rooney tha: “Mezi pres të eci përpara dhe të përgatitem për një lojë tjetër të dielën”.

Derby pret Notts County në një miqësore të dielën dhe fillojnë sezonin e tyre të Kampionatit të shtunën tjetër në Huddersfield.

Të martën doli se Rooney pa dashje kishte penguar më tej përgatitjet e tendosura të Derby-t për sezonin e ri pasi plagosi një nga lojtarët e tij gjatë një kampi stërvitor të kohëve të fundit.

Trajneri sfidoi Jason Knight gjatë një loje stërvitje që e la mesfushorin e Republikës së Irlandës me një dëmtim në kyçin e këmbës që mund ta linte atë mënjanë deri në tre muaj. /Telegrafi/