Ronaldo po mendon të largohet nga Arabia Saudite, Al-Nassr ka një armë sekrete për ta mbajtur atë

Cristiano Ronaldo ka hyrë në gjashtë muajt e fundit të kontratës me Al-Nassr dhe mund të negociojë me klube të tjera nëse dëshiron të largohet nga Arabia Saudite në fund të sezonit.

Sipas gazetës Marca, Ronaldo ka një ofertë për të ndryshuar kontinentin, por edhe Al-Nassr ka një armë sekrete me të cilën dëshiron ta mbajë atë.

Ronaldo është objektivi i disa klubeve nga MLS dhe në faqen e njohur Transfermarkt po ashtu thuhet se ka shumë mundësi që Ronaldo të kthehet në Sporting Lisbonën e tij të lindjes dhe të përfundojë karrierën e tij mjeshtërore në Portugali.

Ata janë të vetëdijshëm për këtë në Al-Nassr dhe po përpiqen të bëjnë gjithçka në mënyrë që Ronaldo të pranojë të negociojë një kontratë të re.

Lexo po ashtu Nga Salah te De Bruyne, Messi, Ronaldo dhe Neymar – dy formacione të mbushura me yje që mbesin pa kontratë më 2025

“Asi në mëngë” i tyre mund të jetë një transferim që është afër realizimit.

Përkatësisht, Al-Nassr dëshiron të sjellë ish-bashkëlojtarin e Ronaldos, Casemiro, me të cilin ndau momentet më të mira të karrierës së tij në fanellën e Real Madridit.

32-vjeçari brazilian e refuzoi ofertën e Al-Nassr gjysmë viti më parë, por pasi humbi pozicionin e tij titullar në Manchester United, tani ka ndryshuar mendje dhe është gati të dëgjojë ofertën e sauditëve të pasur. /Telegrafi/