Roma këndellet plotësisht, fitore për vendin e tretë ndaj Torinos

Roma pas fitores me Napolin ka vazhduar të ngjitet në renditje, duke shënoi fitore ndaj Torinos me rezultat 3-0.

Ndeshja nisi me një minutë heshtje nga të dy skuadrat për Davide Astorin që ka luajtur te Roma.

Pjesa e parë ishte e barabartë me të dyja skuadrat që kishin rastet e tyre.

Madje mysafirët në shumë raste ishin më të rrezikshëm në pjesën e parë.

Sidomos ish lojtar i tyre Iago Falque rrezikoi disa herë, në fund të pjesës së parë, por nuk ia arriti qëllimit.

Pjesa e dytë nisi më furishëm për Romën.

Zhvillohej minuta e 56-të kur Alessandro Florenzi harkoi në zonë dhe e gjeti Konstantinos Manolas që shënoi për 1-0.

Romakët morën lojën në dorë, ku rastet radhiteshin para portës së portierit mysafir Sirgu.

Radja Nainggolan harkoi në zonë ku më së miri u gjend kapiteni Daniele De Rossi që e ngriti rezultatin në 2-0.

Në fund dhe Pellegrini gjeti rrjetën për 3-0.

Pas kësaj fitoreje Roma mbetet në pozitën e tretë me 56 pikë, katër më shumë se Lazio që është e katërta. /Telegrafi/

https://www.youtube.com/watch?v=d7zgkDEMu3w

https://www.youtube.com/watch?v=TvoHa8Kferg