Robben zbulon se si e shiti Real Madridi te Bayern Munichu pa dëshirën e tij

Real Madridi e kishte shitur Arjen Robben në Bayern Munich në verën e vitit 2009 për një shifër prej 25 milionë euro.

Holandezi beson se Los Blancos në atë kohë e shisnin për të bërë para, pasi ashtu i kishin thënë.

Edhe pse lojtari ka qenë në mëdyshje për lëvizjen në Bundesligë, rikthimi i Florentino Perez në presidencë Madridit e kishte detyruar ta bënte këtë.

“Na u tha se klubi do të jetë në gjendje për të bërë disa para me mua, nëse ata do të më shisnin, por fillimisht nuk donin të më largonin”, ka thënë tashmë 32-vjeçari për Fox Sport.

“Ishte pak enjë verë e pazakontë me kthimin e Florentino Perez si president dhe më pas të gjithë ata blerje të reja që erdhën”.

“Cristiano Ronaldo, Kaka, Karim Benzema dhe Xabi Alonso të gjithë erdhën në Madrid për një sasi të madhe të parave”.

“Largimi ka qenë një moment i vështirë për mua, më i vështiri në karrierë”.

Lexo po ashtu Arjen Robben zgjedh formacionin më të mirë që ka luajtur, lë jashtë Lewandowskin për sulmuesin holandez (Foto)

“Bayerni nuk ishte një nga klubet më të mëdha në Evropë në atë kohë dhe për mua ishte një hap mbrapa”, ka thënë Robben.

Ai në vitin e parë i dërgoi në finale të Ligës së Kampionëve, ndërsa në vitin 2012/13 e fituan me golin e shënuar nga holandezi. /Telegrafi/