Rita Ora shkëlqen me paraqitjen në sezonin e tretë të “The Masked Singer UK”

Rita Ora edhe kësaj radhe ka mahnitur me paraqitjen në sezonin rikthyes të “The Masked Singer UK” e veshur me një fustan të mrekullueshëm.

31-vjeçarja dukej mahnitëse me një fustan rozë të mbyllur në programin e së shtunës mbrëma.

Me paraqitje elegante dhe të sofistikuar, krijuesja e hitit “Anywhere” me siguri befasoi shikuesit e ITV me bukurinë e saj, shkruan Daily Star.

View this post on Instagram

A post shared by RITA ORA (@ritaora)

Biondja kishte veshur një fustan mëndafshi të mbyllur me një shirit në bel për të treguar përmasat e saj trupore.

Me stilin e flokëve të viteve 1950, artistja me prejardhje shqiptare duket sikur kishte dalë e freskët nga Hollywoodi.

Ndryshe nga shumë prej fotove të saj të kohëve të fundit që vijnë nga plazhi, Rita u mbulua çuditërisht për episodin e tretë të shfaqjes.

Fansat e këtij programi ishin me plot komplimente për këngëtaren të frymëzuar nga ‘look’-u e dukja atraktive.

“Dukesh si një mbretëreshë si gjithmonë”, shkroi një person në internet.

“Dukesh kaq përrallore me veshjet më të thjeshta Rita, e bukur”, shtoi një i dytë.

Në një bisedë të fundit para transmetimit të programit, Rita pranoi se nuk kishte qenë në formë këtë vit, ku hamendjet e saj kishin qenë të shqetësuara për këtë shou.

Ajo tha: “Mendoj se këto seri janë më të vështirat sepse njerëzit po kuptojnë se cilat janë pikat tona të forta. Unë gjithmonë dëgjoj zërin, Jonathan dhe Mo janë kaq të fortë në anën komedike të gjërave, Davina i njeh të gjithë”.

“Është e vështirë për mua tani, sepse ata po rregullojnë theksin e tyre dhe zërat e tyre të këndimit, gjë në të cilën unë mbështetem gjithmonë”.

Këngëtarja po punon shumë për të dalë në krye për një seri të tretë, por përballet me një konkurrencë të ashpër nga panelistët e tjerë. /Telegrafi/