Rita Ora duket e mahnitshme teksa kalon Krishtlindjet në Londër me partnerin dhe familjen e saj

Rita Ora dukej me humor të mirë teksa i kaloi Krishtlindjet në shtëpinë e saj në Londër me më të afërmit dhe më të dashurit e saj.

Këngëtarja, 32 vjeçe, ndau disa foto të saj e ulur në divan, teksa kaloi një kohë cilësore me familjen e saj gjatë periudhës festive.

Krijuesja e hiteve kishte veshur një bluzë ngjyrë bezhë dhe një palë xhinse, duke i kombinuar me çizme ngjyrë kafe të errët dhe një byzylyk.

Në një pamje tjetër, Rita kishte veshur një bluzë të zezë me një stamp të “Mickey” Mouse.

“’Gëzuar Krishtlindjet, në shtëpi për dimër. Paçi një ditë të bekuar të gjithëve që ju dua”, shkroi Rita në mbishkrimin e imazheve.

Kjo vjen pasi bashkëshorti i Ritës, Taika, zbuloi se aktori Robert Pattinson luante mblesëri në lidhjen e tyre – duke i prezantuar me njëri-tjetrin gjatë një takimi me miq.

Regjisori, i cili u martua me këngëtaren në fillim të këtij viti, tha se e njihte Ritën për tre vjet përpara se miqësia e tyre të lulëzonte në romancë dhe ata të fillonin të takoheshin në vitin 2021.

Duke folur në serinë Intervista të Louis Theroux, Taika tha se marrëdhënia e tij dhe Ritës funksionon sepse fillimisht ata ishin ‘miqtë më të mirë’.

I pyetur për takimin e tyre të parë, Waititi i tha Theroux: “Ne në fakt e kemi njohur njëri-tjetrin prej vitesh, përpara se të bashkoheshim”.

“Të gjithë mendojnë se jemi takuar në Australi vitin e kaluar. E dini kush e solli në shtëpinë time? Rob Pattinson. Ai e solli atë. Po bëja një BBQ të vogël dhe sapo biseduam u bëmë miq. Pastaj për tre vitet e gjysmë të ardhshme ne ishim thjesht shokë të mirë”, tha regjisori.

“Ne ishim në marrëdhënie të ndryshme dhe sa herë që dilnim, e arrinim aty ku e kishim lënë, dhe ishte një miqësi e mirë dhe vendosëm ta prishnim të gjithën. Më pëlqen fakti që ne punojmë shumë, dhe të dy kemi punët tona dhe të pavarur, por jemi edhe miqtë më të mirë”, tha tutje ai.

“Ne vijmë nga vende të ndryshme të botës, ajo është nga Kosova dhe unë nga Zelanda e Re. Ata janë shumë larg, por prejardhja jonë ishte mjaft e ngjashme.

“Ne të dy u rritëm të varfër në familjet e klasës punëtore, babai i saj zotëronte pijetore dhe ajo rrinte shumë në pijetore kur ishte fëmijë dhe nëna ime punonte në bare dhe shumë nga familja ime kënaqej në bare, kështu që unë isha në pube shumë si fëmijë. Sfondi i komuniteteve Maori është mjaft i ngjashëm me komunitetin kosovar, pasi ndjeshmëritë tona janë mjaft të përafruara, mendoj”, përfundoi Waititi. /Telegrafi/