Rinovimi me Real Madridin i kushtoi Luka Modric me pagë, 11 lojtarë tani fitojnë më shumë se kroati

Zyrtarisht është konfirmuar se Luka Modric, mesfushori 38 vjeçar, do të jetë lojtar i Real Madridit edhe në sezonin e ardhshëm.

Modric, një ikonë e Real Madridi dhe lojtar i tyre që nga viti 2012, nënshkroi një kontratë njëvjeçare me gjigantin nga “Santiago Bernabeu”. Po ashtu, Modric do të bëhet edhe kapiteni i parë i klubit, duke qenë se Nacho u largua nga klubi.

Capology, burimi më i besueshëm kur bëhet fjalë për pagat e futbollistëve profesionistë, pohon se me kontratën e re, Modric do të ketë një pagë bruto vjetore prej 10 milionë e 420 mijë eurosh.  E konvertuar në neto, është një shumë prej 5 milionë eurosh.

🤝 #Modrić2025 🤝 pic.twitter.com/orNUTQj2N8

— Real Madrid C.F. 🇬🇧🇺🇸 (@realmadriden) July 17, 2024

Kontrata e re e Modricit do të jetë më shumë se gjysma e asaj të mëparshme, sipas së cilës ai kishte një pagë neto vjetore prej 21 milionë e 880 mijë eurosh.

Kontrata e re e Modric është e barabartë me atë që kanë Dani Carvajal, Ferland Mendy dhe Dani Ceballos te Real Madridi.

Lexo po ashtu Real Madridi rinovon kontratën e kapitenit Luka Modric

Sipas situatës aktuale, 11 lojtarë të Los Blancos do të fitojnë më shumë se kapiteni kroat në sezonin e ardhshëm. /Telegrafi/