RIM zhvlerëson pronën në lidhje me PlayBookun

Research In Motion (RIM) ka paralajmëruar se kompania do të zhvlerësoj një pjesë të madhe të pronës që ka të bëjë me tabletin BlackBerry PlayBook.

Për shkak të zhvlerësimit të pronës në lidhje me PlayBookun, RIM do të raportoj humbje në vlerë prej 485 milion dollarë për çerekun e tretë. Kompania me këtë ka pranuar se një numër i madh i PlayBookëve ka mbetur nëpër depo, respektivisht se kanë nevojë për më shumë aktivitete promocioni për tabletin e tyre. Si arsyen kryesore për shitjen e dobët në RIM e theksojnë konkurrencën e madhe në tregun e tabletëve dhe vonesën në paraqitjen e versionit 2.0 të sistemit operativ për PlayBook.

Përfaqësuesit e RIM gjithashtu kanë theksuar se pas pranimit të shpenzimeve prej 485 milion dollarë do të mund të vazhdojnë me aktivitetet për promocion, të cilat përfshijnë uljen e çmimit të modelit 16-gigabajtësh në 199 dollarë në SHBA. Pas këtyre aktiviteteve, për të cilat thuhet se kanë karakter të kufizuar, në shumicën e shitoreve në SHBA stoqet e PlayBookëve do të shiten.

Në RIM gjithashtu theksojnë se ende besojnë në suksesin e PlayBookut, duke pasur parasysh se tregu i tabletëve është ende në fazën e hershme të zhvillimit. /Telegrafi/