Me rikthimin e Zidanes te Reali, ia vlen të rikthehemi edhe te fjalimi emocional i Zizus në pushimin e pjesëve të finales ndaj Juves në LK

Rikthimi i Zinedine Zidanes te Real Madridi befasoi të gjithë në botë e futbollit.

Me këtë rast tifozët e Los Blancos dhe të tjerë janë rikthyer në kohë për të shikuar sukseset e trajnerit francez, në mënyrë që të ëndërrojnë ato tjerat në të ardhmen.

‘Zizu’ si trajner i Ralit fitoi një titull të La Ligas dhe një të Superkupës së Spanjës, nga dy herë e fitoi Superkupën e Evropës dhe Kupën e Botës për klube, ndërsa tre herë Ligën e Kampionëve.

Secila finale ka rëndësinë e vetë, por ajo ndaj Juventusit për sezonin 2015/16 ishte një nga më të bukurat pasi niveli i dy skuadrave në fushë ishte pothuajse i njëjtë.

Por, në këtë ndeshje 46-vjeçari tregoi se sukseset e tij si trajner nuk janë të befasishme, ai me taktikat e tij e dominoi Zonjën e Vjetër dhe në fund arriti të fitojë me rezultat 1-4.

Një nga gjërat më të komentuara nga finalja e Cardiffit ishte fjalimi i Zidanes drejt skuadrës në zhveshtore në pushimin e pjesës së parë, ku rezultati i lojës nga 45 minutat e parë ishte 1-1.

Lexo po ashtu Fjalët e para të Zidanes pas rikthimit: I lumtur që u ktheva pasi kisha shumë oferta, lojtarët duhet ta kuptojnë që luajnë për Real Madridin

Fillimisht i la lojtarët të pushojnë për shtatë minuta duke iu thënë: “Pushoi dhe pastaj do të flasim”, dhe pastaj vazhdoi:

“Vetëm dy gjëra: është një finale, e dimë që do të jetë ndeshje e vështirë, është edhe për ata. Gjëja më e rëndësishme për ne është të jemi më agresiv në mbrojtje, nuk po them në sensin agresiv që ju të ndëshkoheni”.

“Për ne është e rëndësishme të mbërrijmë në kohë, të qëndrojmë më pranë dhe të jemi agresivë, kur nuk e kemi topin”.

“Ata luajnë me 4-4-2 me Alves dhe Mandzukicin shumë lart në fushë. Duhet t’i detyrojmë të kthehen mbrapa. Isco, duhet të jesh më i pakalueshëm në të majtë kur ne jemi duke u mbrojtur me formacionin 4-2-2 dhe kur e keni topin kërkoni hapësirë mes vijave”.

“Kur kemi topin duhet të jemi të durueshëm. Duhet të lëvizim më shumë në krahë. Marcelon e Danin duhet të luani më para, pak më para. Kur ne kemi topin ata duhet të mbrohen më thellë, Dani dhe Marcelo duhet të jeni aty”.

“Luka duhet të shtyje aksionet para, ashtu edhe Isco, kur ne ndryshojmë, duhet t’i thyejmë. Cristiano të vrapojë tek ata, Karim mbrapa ose ndryshojmë mënyrën e lojës, ashtu siç kemi praktikuar këtë javë. Le t’i thyejmë dhe goli do të vijë. Le të luajmë anash dhe nga qendra dhe kështu do të shënojmë. Thjesht të marrim topin dhe të luajmë me ritëm më të madh. Jo vetëm në qendër, duhet të lëvizim topin nga njëra anë në tjetrën”.

“Në mbrojte lë të ngulim këmbë më shumë dhe të vazhdojmë punën. Do të vuajmë është finale. Qëndroni të qetë, do të shënojë një tjetër gol, kuptuat?”, dhe fjalimi përfundoi me duartrokitje nga të gjithë. /Telegrafi/