Rexhaj: Kam mbledhur nënshkrime kundër Asociacionit në borë e shi, por tash kontekstet kanë ndryshuar

Deputeti Arber Rexhaj, ka shprehur qëndrimin e LVV-së në lidhje me dialogun dhe Asociacionin e Komunave me Shumicë Serbe.

Gjatë një interviste në emisionin “Debat Plus”, deputeti i Lëvizjes Vetëvendosje, Arbër Rexhaj ka thënë se Kosova ka vullnetin për të arritur një marrëveshje me Serbinë.

Ai thotë se është e rëndësishme të mos harrojmë se Asociacioni ka qenë një kërkesë ndërkombëtare për një kohë të gjatë, por që ende nuk është zbatuar.

“Personalisht kam mbledhur nënshkrime kundër Asociacionit në borë, shi e të ftohtë. Por duhet të dihet edhe konteksti i asaj kohe. Tash që kanë kaluar shumë vite, ka ndryshuar edhe konteksti…Asociacioni përsëri mbetet i keq”.

“Kryetari i Kuvendit e ka treguar më së miri edhe opsionin e shfuqizimit të marrëveshjes në Kuvendin e Kosovës. Ne kemi konstatuar se një gjë e tillë do ta dëmtonte Republikën e Kosovës. Kanë kaluar 10 vite dhe tashmë Kosova ka kaluar në rrugë tjera”.

Rexhaj thotë se kryeministrit Kurti ja kanë lënë të tjerët në trashëgimi këtë marrëveshje./Telegrafi/