Reperja e famshme amerikane, Yung Miami, i ka shpëtuar një sulmi me armë, ku dyshohet se ishte tentativë për vrasje nga ish-i dashuri i saj, Kodak Black.
I njëjti edhe pse tash e një kohë është në burg, e kërcënoi me vrasje këngëtaren pasi ngeli shtatzënë me një mashkull tjetër.
Yung Miami, emri i vërtetë i së cilës është Caresha Brownlee, ka bërë një postim në rrjetin social, Instagram, gjersa i tregon fansave se është në gjendje të mirë shëndetësore.
"Faleminderit të gjithëve për reagimet dhe lutjet. Unë dhe bebja jemi mirë”, ka shkruar mes të tjerash ajo.
Zeshkania sapo kishte dalë nga studio dhe ishte në makinën e saj të tipit 'Mercedes-Benz SUV' kur filluan të shtënat me armë.
Nga ana tjetër, Black, emri i vërtetë i të cilit është Bill K. Kapri, 21 vjeç, u arrestua me akuza për armë dhe drogë në prill pranë Niagara Falls në New York, ndërsa përpiqej të hynte në SHBA nga Kanadaja. /Telegrafi/
