Rekordi i çuditshëm i PSG-së tregon çmendurinë rreth Messit, Mbappes dhe Neymarit

Stadiumi do të jetë plotë për ndeshjen e Paris Saint-Germain kundër Troyes të shtunën, pasi të gjitha biletat janë shitur dhe klubi i Ligue 1 ka njoftuar se kjo është ndeshja e 100-të me radhë ku tribunat do të jenë plotë në Parc des Princes.

Kjo do të thotë se më shumë se 4.6 milionë njerëz kanë ndjekur ndeshjet e PSG-së në shtëpi në të gjitha garat që nga viti 2017.

“Këto njëqind ndeshje me bileta të shitura në Parc des Princes demonstrojnë entuziazmin e tifozëve për klubin”, ka thënë Nicolas Arndt, Drejtor i biletave dhe mikpritjes në PSG.

🏟💯

For the 100th match in a row, on Saturday 29th October, Paris Saint-Germain will play in the Parc des Princes during a sold-out match. A first for a french professional football club!

🔴🔵 #EN100BLEhttps://t.co/IIPBsVri7h

— Paris Saint-Germain (@PSG_English) October 27, 2022

“Ngado që vijnë, pavarësisht nëse kanë një biletë sezonale apo jo, të gjithë kanë vendin e tyre në Parc des Princes dhe kontribuojnë në shkrimin e historisë së ‘Rouge dhe Bleu’”.

“Është gjithashtu një njohje e punës së të gjithë njerëzve që e bëjnë atë. Është e mundur që mbështetësit tanë të kenë një përvojë që është e denjë për angazhimin e tyre ndaj klubit”, përfundoi Arndt.

PSG me të drejtë mburret për besnikërinë e tifozëve të tyre, duke qenë klubi me shkallën më të lartë të rinovimit të biletave sezonale në Francë krahasuar me sezonin e kaluar (97.6 për qind).

Ndërkohë, 6,400 abonentët e strehuar në seksionin Virage Auteuil vazhdojnë të paguajnë 17 euro për ndeshje, të njëjtin çmim që paguanin në vitin 2016. Përveç kësaj, ka oferta për familje dhe shoqata rreth 20 euro për ndeshje. /Telegrafi/