Regjisorja Payal Kapadia shkruan historinë – bëhet personi i parë nga India që fiton një çmim të madh në Kanë

Regjisorja Payal Kapadia bëri histori të shtunën, pasi ajo u bë personi i parë nga India që fitoi ‘Çmimin e Madh’ prestigjioz në Festivalin e 77-të të Filmit në Kanë, çmimi i dytë më i lartë pas ‘Palmës së Artë’.

Filmi i Kapadia-s “All We Imagine As Light” është një dramë e përqendruar në dy infermiere, të cilat janë zhvendosur në Mumbai dhe po lundrojnë në jetën e dashurinë.

Është filmi i parë indian në tre dekada që konkurron në konkurrencën kryesore të Kanës.

“Tashmë ishte një ëndërr të përzgjidhesha në konkurs dhe kjo ishte përtej imagjinatës sime”, tha Kapadia në fjalimin e saj, duke u kthyer përballë jurisë së Kanës, e cila këtë vit përfshin regjisoren Greta Gerwig dhe aktoren Lily Gladstone.

“Ju lutemi mos prisni 30 vjet të tjera për të pasur një film indian”, tha ajo para audiencës.

Lexo po ashtu Një tjetër yll në Kanë pati një debat të ashpër me të njëjtën roje sigurie si Kelly Rowland

Kapadia kishte fituar më parë çmimin ‘L’Oeil d’Or’ të festivalit në vitin 2021 për dokumentarin e saj të mirënjohur “A Night of Knowing Nothing”, për mënyrën sesi një studente filmi në Indi përpiqet të vazhdojë një marrëdhënie me ish-in e saj, pavarësisht se është nga një kastë tjetër. /Telegrafi/