Red Bull dominoi në Çmimin e Madh të Arabisë Saudite për të siguruar një fillim të fuqishëm në Formula 1.
Por, pati polemika që e përshfshinë këtë herë Max Verstappen, pasi iu dha një ndihmë e rëndësishme. Ai përfundoi i dyti pas shokut të skuadrës, Sergio Perez, ndërsa vuante nga një problem me boshtin e makinës së tij.
Ishte një problem i ngjashëm që do të thoshte se ai filloi në vendin e 15-të. Verstappen gjithsesi po ngjitej në tabelën e liderëve në fazat e hershme, por mori një ndihmë të madhe kur Lance Stroll duhej të ndalonte. Makina e sigurisë doli në rrugë, megjithëse kamerat televizive treguan se Aston Martin duket se ishte jashtë rrezikut.
"Nga këndet fillestare të kamerës në dispozicion, pozicioni i saktë i makinës së ndalur (STR) ishte i paqartë, dhe për këtë arsye makina e sigurisë u vendos si opsioni më i sigurt", ishte shpjegimi i FIA-s. Por disa fansa në internet ishin kritikë ndaj vendimit që funksionoi në avantazhin e Verstappen.
Fernando Alonso dhe George Russell ishin të pafuqishëm për ta ndaluar atë të kalonte kur gara filloi përsëri, dhe ata përfunduan në atë renditje të tretë dhe të katërt pas atyre Red Bullit. Por, Alonso ra në vendin e katërt pas britanikut.
Lewis Hamilton ishte i pesti pasi fitoi disa pozicione, ndërsa Ferrari do të jetë shumë i zhgënjyer për të arritur vetëm në vendin e gjashtë dhe të shtatë me Carlos Sainz dhe Charles Leclerc respektivisht.
Renditja e plotë:
Sergio Perez – Red Bull Max Verstappen – Red Bull Fernando Alonso – Aston Martin George Russell – Mercedes Lewis Hamilton – Mercedes Carlos Sainz – Ferrari Charles Leclerc – Ferrari Esteban Ocon – Alpin Pierre Gasly – Alpin Kevin Magnussen – Haas Yuki Tsunoda – AlphaTauri Nico Hulkenberg – Haas Zhou Guanyu – Alfa Romeo Nyck de Vries – AlphaTauri Oscar Piastri – McLaren Logan Sargeant - Williams Lando Norris – McLaren Valtteri Bottas – Alfa Romeo. /Telegrafi/
