Realizohen matjet zyrtare, Paul dhe Fury me premtime të mëdha para meçit

Jake Paul dhe Tommy Fury kanë realizuar matjet zyrtare për luftën e nesërme (e diel), duke konfirmuar më në fund se do të hyjnë në ring përballë njëri-tjetrit në Riad.

Nuk pati polemika në peshore me Paulin që erdhi me një peshë të ulët në karrierë (83 kilogramë) dhe Fury që kishte po aq –  me tetë kilogramë më i rëndë se matja e tij e fundit profesionale prillin e kaluar.

Peshimi është hapi i fundit në udhëtimin e gjatë të Paul dhe Furyt drejt një përplasjeje masive në Arabinë Saudite pas dy vitesh me lojëra fajlësh. Dhe përkundër faktit se Fury e ka ngritur peshën e tij vetëm që lufta të zhvillohet, më në fund do ia arrij qëllimit.

Lexo po ashtu Jake Paul dhe Tommy Fury rrezikojnë burgun për shkeljen e ligjit saudit disa ditë para meçit

“Koha e tij ka mbaruar, nesër mbrëma koha e tij ka mbaruar”, deklaroi Fury. “Jake Paul nuk do të jetë më në boks, unë do ta nokautoj këtë njeri në katër raunde”.

“Kjo ka qenë përvoja më e mirë e jetës sime, është një ëndërr e realizuar dhe nesër mbrëma bëhet më e ëmbël. Nesër mbrëma do të shihni pse mbiemri im është Fury dhe pse ne jemi më të mirët në këtë sport”.

Lexo po ashtu Jake Paul - Tommy Fury: Data, ora dhe vendi ku do të zhvillohet meçi i shumëpritur

Paul ia ktheu: “Ai njeri nuk ka asgjë, ai aktron në skenë duke u përpjekur të sillet si vëllai i tij. Boksieri i tij profesionist po bie; është e lehtë, është e thjeshtë. Unë jam gati, i qetë dhe i vëmendshëm. Ai po dridhet, ju mund t’i shihni emocionet e tij, unë jam një vrasës. Biseda ka mbaruar, ne i kemi thënë të gjitha fjalët dhe është koha për të kuptuar të vërtetën”.

Dyshja u takuan për herë të fundit përpara meçit, me të dy boksierët që premtuan nokaut në fillim të duelit. /Telegrafi/