Real Madridi e vë në shitje sulmuesin, aktivizohen pesë klube

Real Madrid tashmë ka shitur disa lojtarë që janë jashtë planeve të tyre këtë verë, dhe më shumë duket se do të pasojnë.

Një nga të tjerët që do të largohet do të jetë Juanmi Latasa, i cili nuk ka të ardhme në klub – pavarësisht se është në turneun parasezonal në Shtetet e Bashkuara.

Latasa po kërkohet nga disa klube në La Liga, sipas Diario AS.

Real Valladolid është aktualisht favorit për të përfunduar një marrëveshje, edhe pse ata janë duke u rivalizuar nga afër nga Espanyol, Rayo Vallecano, Real Betis dhe Sevilla.

Valladolid tashmë është në bisedime me Real Madridin dhe ndërkohë që një marrëveshje nuk është e afërt, diskutimet po shkojnë mirë.

Juanmi do të largohet nga Los Blancos këtë verë, por që drejtuesit e klubit janë të gatshëm ta shesin përgjithmonë, duke mos përjashtuar kështu as huazimin.

Lexo po ashtu Leboeuf parashikon sa gola do të shënojë Mbappe në 10 ndeshjet e para për Real Madridin

Largimi i pashmangshëm i Juanmit do të lejojë që Real Madrid të ketë fonde të tjera në dispozicion këtë verë, nëse ata vendosin t’i përdorin ato.

Mund të kërkohet ende një qendërmbrojtës i ri, ndërkohë që pritet të bëjnë edhe një përpjekje për të siguruar shërbimet e Alphonso Davies për sezonin 2024-25 e më tej. /Telegrafi/