Real Madridi asnjëherë nuk e ngrit flamurin e bardhë

Të shënon një gol në fund të ndeshjes, nuk është asgjë e re për Real Madridin, pasi kjo ka ndodhur disa herë në vitit e fundit.

Golat e vonshëm janë vetëm pjesë e ADN-së së tyre dhe ata shënuan një tjetër në Estadio Wanda Metropolitano të dielën për të barazuar rezultatin në derbin kundër Atletico Madridit.

Real Madrid hyri në pesë minutat e fundit të derbit me një gol disavantazh dhe ata rrezikonin të pësonin disfatë edhe më shumë pas rivalëve të tyre lokal në garën për titull, por me vetëm dy minuta të mbetura, Karim Benzema luajti me pasim të dyfishtë me Casemiron në zonën kundërshtare dhe francezi që realizoi me lehtësi.

Një javë më parë në Valdebebas, Vinicius shënoi po ashtu një gol të vonshëm për të shmangur humbjen kundër Real Sociedadit, ndërsa Ferland Mendy shënoi golin e fitore në Bergamo kundër Atalantas, pasi kishin luajtur për më shumë se një orë kundër dhjetë lojtarëve.

Tashmë këtë sezon, Real Madridi ka shënuar pas minutës së 85-të në 12 raste.

Jo të gjithë golat kanë qenë aq të rëndësishëm sa ato kundër Atleticos, Real Sociedadit dhe Atalantas, por ata kanë treguar një dëshirë për të luftuar deri në vërshëllimën e fundit dhe se nuk mund të fshihen kurrë. /Telegrafi/