Real Madrid kryeson garën për ‘Pichichi’: Benzema dhe Vinicius ‘luftë’ për vendin e parë

Në tre sezonet e fundit Real Madrid kanë luftuar për të mbushur boshllëkun e golave që shënonte Cristiano Ronaldo, por vetëm këtë vit Los Blancos kanë filluar të rimarrin vetën para porte.

Kjo është kryesisht për shkak të kontributit të Karim Benzema dhe Vinicius Junior, të cilët kanë qenë në formë të jashtëzakonshme deri më tani këtë sezon.

Benzema ka vazhduar nga vendi ku e la sezonin e kaluar dhe është lideri aktual në renditjen e Pichichit me 9 gola në La Liga.

Ai e di se ky sezon i ofron atij mundësinë më të mirë për të fituar trofeun e tij të parë Pichichi, ndërsa duket se do të përballet me konkurrencë të ashpër nga shoku i tij i skuadrës.

Vinicius ka qenë fenomen këtë sezon, dhe dy golat e tij në fitoren ndaj Elches e çoi atë në 7 gola në La Liga.

Ai ka edhe 2 gola në Ligën e Kampionëve dhe 5 asistime në të gjitha garat, duke e shijuar sezonin e tij më të mirë deri më tani në kryeqytetin spanjoll.

Sa larg do të shkojë Vinicius?

Duke pasur parasysh formën aktuale me të cilën ai po kalon, braziliani është në rrugën e duhur për të shënuar 24 gola në La Liga këtë sezon.

Nëse ai nuk do të arrijë këtë shifër, ai me siguri do të shikojë shifrën e 20 golave, veçanërisht duke e ditur se ende nuk kemi arritur në nëntor.

📊 Vinícius is now La Liga's second top scorer with 7 goals, second only to Karim Benzema (9 goals). #rmalive pic.twitter.com/rvYPhxNwzO

— Madrid Zone (@theMadridZone) October 30, 2021

Benzema, i cili u pushua kundër Elche, ka 9 gola në La Liga plus 7 asistime, duke e bërë atë lojtarin më vendimtar në ligën spanjolle këtë sezon. /Telegrafi/