Reagon Nisma: Saktësia e Exit polleve nuk vlen për partitë e vogla

Pas publikimit të disa Exit polleve, ka reaguar Nisma Socialdemokrate.

Në një reagim në Facebook, kjo parti ka thënë se Exit pollet nuk tregojnë rezultatin në kutitë e votimit.

Lexo po ashtu Exit Polli i PIPOS në Klan Kosova: LVV merr 41.8% të votave, PDK-16.5%, LDK-15.2%, AAK-7.2%

“Exit pollet zakonisht tregojnë trendin e zgjedhjeve se cila parti ka mbështetje më të madhe dhe në asnjë rast nuk tregojnë rezultatin në kutitë e votimit! Saktësia e exitpolleve nuk vlen sidomos për partitë e vogla”, thuhet në reagim.

Lexo po ashtu EXIT POLL-i nga RTV Dukagjini: LVV prin me 47,9%, e dyta renditet PDK-ja dhe e treta LDK-ja

Më tej ka ftuar komisionerët dhe vëzhguesit e NISMËS që të bëjnë punën e tyre deri në numërimin e votës së fundit!

Lexo po ashtu EXIT POLL-i i AlbanianPost në Kanal10: LVV merr 53% të votave, PDK 20%, LDK 17%, AAK 7%

“Sipas informatave tona nga njerëzit tanë në teren, besimi për Nismën Socialdemokrate është rritur nga qytetarët e vendit, prandaj është shumë e rëndësishme që besimi i qytetarëve i dhënë përmes votës të lexohet drejtë dhe të mos cenohet nga askush”, thuhet në fund, njofton Telegrafi.