Reagimi i Xhensila Myrtezajt pasi Bebe Rexha rindërtoi shtëpinë e njërës nga familjet e prekura nga tërmeti

Këngëtarja shqiptare me famë botërore, Bebe Rexha, të dielën njoftoi se është rindërtuar njëra prej shtëpive të familjeve të prekura nga tërmetet të vitit të kaluar në Shqipëri.

Ajo bëri një postim në rrjete sociale ku solli pamje para dhe pas ndërtimit të shtëpisë në fshatin Bubq, madje tregoi se ishte shumë e lumtur për këtë.

Një reagim rreth kësaj e ka bërë edhe artistja Xhensila Myrtezaj, e cila njëherësh falënderoi Beben për veprimin e mahnitshëm.

View this post on Instagram

A post shared by Xhensila Myrtezaj (@xhensilamyrtezaj)

“Faleminderit Bebe. Zoti ju bekoftë. Nga lotët e dhimbjes në lot gëzimi për këtë familje vetëm prej dashurisë tënde. E lumtur sa zemra e tyre qofsh për gjithë jetën”, ka shkruar Myrtezaj.

Lexo po ashtu Bebe Rexha e lumtur që rindërtoi shtëpinë e njërës nga familjet e prekura nga tërmeti: Asgjë nuk më përmbush më shumë

Bebe gjatë vizitës në Shqipëri vitin e kaluar premtoi se do të rindërtojë dy shtëpi, njëra tashmë veçse është realizuar.

Kujtojmë që tërmeti shkatërrues i datës 26 nëntor, ku u shuan 51 jetë e me mijëra persona mbetën pa banesat e tyre, është më vdekjeprurësi në botë për vitin 2019. /Telegrafi/