RDK: Manipulimi në emrin e RDK-së do të dënohet ashpër

Rilindja Demokratike Kombëtare reagon ashpër ndaj gjith manipuluesve që thirren në emër të RDK-së dhe për këtë manipulim tanimë është gritur padi ndaj puçistëve që vazhdojnë të manipulojnë opinionin në emër të logos partiake. Njerëzit që vazhdojnë të manipulojnë opinionin për organizime të ndryshme në emër të RDK-së do të mbajnë përgjegjësi të madhe dhe për këtë shumë shpejt do të dënohen ashpër, transmeton Telegrafi Maqedoni.

Rilindja Demokratike Kombëtare njofton opinion publik në përgjithësi se nuk ka ftuar në asnjë organizim dhe lojëra qesharake që bëhen nga këta puçist në emër të RDK-së, të përkrahur nga disa portale lokale, dhe se këto ftesa puçiste nuk janë asgjë tjetër përpos aheng privat të disa personave të papërgjegjshëm që nuk janë në gjendje të bashkojnë familjet e tyre e lërë më të bashkohen për një kauzë më të madhe kombëtare.

Është koha e fundit që këta puçist të nxjerrin në sipërfaqe fytyrën e vërtetë të tyre dhe të rreshtohen nën logon e një partie tjetër politike, dhe më pas le të ftojnë lirisht për kauzë të madhe kombëtare. Rilindja Demokratike Kombëtare komunikon lirshëm me opinionin publik nëpërmes kanaleve zyrtare të komunikimit dhe për çdo aktivitet të mundshëm ka njoftuar dhe do të njoftoj edhe në të ardhmen opinionin e gjërë për organizimet dhe ofertat e ndryshme e veprimit politik.

Çdo veprim tjetër jasht komunikimit zyrtar do të mbajnë përgjegjësi të madhe para organeve kompetente ligjore dhe opinionit publik në përgjithësi. /Telegrafi/