Rafinha: Dua të fitoj tituj me këto ngjyra

Mesfushori i ri i Interit, Rafinha, ka deklaruar menjëherë pas kompletimit të transferimit se ai është shumë i kënaqur me transferimin te gjiganti italian.

Interi konfirmoi vetëm se ka marrë në huazim mesfushorin nga Barcelona me opsion të blerjes për 38 milionë euro në fund të këtij sezoni.

Vet lojtari u shpreh i ngazëllyer në një intervist ëpër Inter TV duke u shprehur i entuziazmuar.

“Jam vërtet i lumtur, është kënaqësi e madhe që të vij këtu. Vërtet dua që të përballem me këtë fazë të re të karrierës time”.

Lexo po ashtu Të gjitha lajmet rreth Interit

“Shumë lojtarë të rëndësishëm kaluan te Interi që bënë histori dhe unë dua të bëj më të mirën dhe të bëj gjithçka që është e mundur për të fituar tituj me këto ngjyra”.

“Unë gjithmonë dua që të nxjerrë më të mirën prej kësaj, dua që të fitoj sa më shumë ndeshje që është e mundur dhe të ndihmoj ekipin që të arrijmë synimin tonë, Ligën e Kampionëve”.

“Është gjithmonë mirë që të kesh në grupin e lojtarëve dikë që flet gjuhën tënde, më pas e njoh edhe Icardin pasi kam luajtur me të dhe menjëherë më ndihmoi duke vizituar së bashku qendrën sportive Appiano Gentile”.

“Unë mund të luaj në disa role, si në krahun e djathtë, ashtue dhe në krahun e majtë”, potencoi lojtari i ri i Interit.

Interi do të duhet të paguajë edhe tri milionë euro të tjera në bonuse për futbollin brazilian. /Telegrafi/