Rafael Leao bën kërkesë të re në bisedimet për kontratën me Milanin

Sulmuesi i Milanit, Rafael Leao ka kërkuar një rritje të madhe page në bisedimet për rinovimin e kontratës me drejtorët teknikë dhe sportivë, Paolo Maldini dhe Frederic Massara.

Sipas Gazzetta dello Sport, Leao ka kërkuar një pagë vjetore prej 7.5 milionë euro në sezon me një bonus nënshkrimi prej rreth dy milionë euro.

Kushtet e kërkuara do të shihnin një rritje të fitimeve vjetore prej mbi pesë milionë euro duke pasur parasysh që Leao aktualisht merr në shtëpi afërsisht 1.8 milionë euro në sezon.

Lexo po ashtu Milani dhe Leao kurrë nuk kanë qenë më larg marrëveshjes

Mediumi italian pretendon se Maldini dhe Massara kanë zhvilluar diskutime të fundit me Leaon dhe familjen e tij, megjithëse nuk kanë qenë në kontakt të drejtpërdrejtë me agjentin e lojtarit.

Marrëveshja aktuale e Leaos është caktuar të skadojë në fund të sezonit 2023/24 dhe diskutimet në lidhje me një kontratë të re tashmë kanë filluar që nga fillimi i vitit.

Një pengesë e mundshme në negociata është ulja e kërkuar e klauzolës së lirimit të Leaos, e cila aktualisht është 150 milionë euro, aktive për disa javë në verë.

Leao-Milan, riparte il dialogo: le nuove condizioni di Rafa https://t.co/XXkYSIJPRI

— La Gazzetta dello Sport (@Gazzetta_it) March 10, 2023

Raportet në janar pohuan se përfaqësuesit e Leaos kanë kërkuar që kjo shifër të ulet në 80 milionë euro, gjë që do ta bënte largimin nga San Siro shumë më realist për portugezin.

Thashethemet për interesimin e klubeve të Ligës Premier kanë qarkulluar gjerësisht gjatë afateve të fundit të transferimeve, me Chelsean dhe Manchester Cityn midis emrave që shpresojnë të marrin nënshkrimin e Leaos. /Telegrafi/