Qyteza gjermane që krejt rastësisht u bë e famshme, në mënyrë të befasishme është “vërshuar” nga turistët

Freudenberg, qytezë në pjesën perëndimore të Gjermanisë, është bërë e famshme në rrjetet sociale, pasi në internet kanë filluar të shpërndahen fotografi të disa shtëpive interesante në këtë vend.

Freudenberg gjenden në një zonë malore në afërsi të qyteteve Keln, Dortmund dhe Bon, që janë vetëm një orë larg udhëtim me veturë, transmeton Telegrafi.

Shtrihet në një lartësi mbi 505 metra lartësi mbidetare, kurse e tërë zona përfshin 54 kilometra katrorë e dy të tretat e saj janë zonë malore.

Por çfarë e bën të veçantë? Është i njohur për arkitekturën specifike dhe autentike. Në fakt të gjitha shtëpitë nga shekulli i 17-të – përkatësisht 80 prej tyre duken të veçanta sidomos sa i përket mënyrës së ndërtimit.

Kanë një fasadë karakteristike bardhezi, e koha më e mirë për ta vizituar këtë qytezë janë stina e vjeshtës dhe dimrit. Në këtë periudhë magjike, në veçanti kur bora zbukuron kulmet e shtëpive.

Fotografitë e shkrepura gjatë dimrit të Freudenbergut, që do të thotë “lumturia e maleve”, e kanë bërë kështu “yll” të Instagramit. E publikimi i rastësishëm i fotografive në Instagram e ka nxjerrë këtë “qytezë” nga terri, dhe tani po shkruhet një “histori” e re për të.

E për shkak të rritjes se interesimit dhe numrit të madh të turistë në veçanti të japonezëve, autoritetet e qytezës kanë vendosur ta rinovojnë parkun e qytetit Kurpark, që ofron pamje të rralla.

Projekti për rinovim do të kusht 2.3 milionë dollarë, e në një të ardhme të afërt turistët do të duhej të shijonin peizazhet derisa pinë kafe në kafiteritë e qytezës gjermane. /Telegrafi/